Natural England yn lansio Cod Cefn Gwlad wedi'i adnewyddu

Yn dilyn ymgynghoriad hir-ddisgwyliedig, lansiwyd Cod Cefn Gwlad wedi'i adnewyddu gan Natural England.

Gwnaed ailwampio o'r Cod 70 mlwydd oed, sy'n rhoi cyngor i ymwelwyr ynghylch sut i fwynhau ymweliad â chefn gwlad yn ddiogel ac yn gyfrifol o dan ei benawdau: Parchu, Diogelu, Mwynhau, er mwyn sicrhau ei fod yn ymgysylltu mwy â'r cyhoedd yn dilyn cynnydd o ymwelwyr â chefn gwlad ers i Covid-19 daro. 

Y gobaith yw bod y rhai sy'n mynd i ardaloedd gwledig ar gyfer teithiau cerdded a phicnic yn cadw at y Cod, dros gyfnod y Pasg.

Dywedodd Mark Bridgeman, Llywydd CLA:

“Mae cefn gwlad wedi gweld cynnydd mewn ymwelwyr ers i'r pandemig ddechrau dros flwyddyn yn ôl - ac mae hynny'n wych i'w weld. Mae croeso i bawb.

“Gyda disgwyl i fwy o bobl archwilio ardaloedd gwledig dros y Pasg mae'n hanfodol bod y Cod yn cael ei ddarllen yn dda, ei barchu a'i ddilyn. Er na fu newidiadau sylweddol i'r Cod, mae'r negeseuon yn glir — Parchu, Diogelu a Mwynhewch yr awyr agored. Drwy gau giatiau y tu ôl i chi a glynu wrth lwybrau troed, i gadw'ch ci dan reolaeth a chodi sbwriel, does dim rheswm pam na allwn gydweithio i gadw'r cefn gwlad yn brydferth i bawb ei fwynhau.

“Mae'r cefn gwlad, wrth gwrs, yn fan gwaith lle mae'n rhaid parchu'r tir, da byw, peiriannau, bywyd gwyllt a'r amgylchedd — a bydd mwy o ddealltwriaeth o hyn yn y tymor hir o fudd i ffermwyr a cherddwyr.” 

Darllenwch y Cod Cefn Gwlad wedi'i ddiweddaru yma.